!! सातारा कास हेरिटेज हिल मॅरेथॉन !!

     साताऱ्यातील पहिली आयर्नमॅन (लेडी )--सुचित्रा काटे
           नुकतेच गोवा येथे हाफ आयर्नमॅनचे आयोजन करण्यात आले होते. त्यामध्ये साताऱ्यातील २० लोकांनी भाग घेतला होता. सर्वच लोकांनी ही स्पर्धा निर्धारित वेळेत पूर्ण केली.या स्पर्धेत सहभागी होणाऱ्या स्पर्धकाला ९० कि. मी.सायकलिंग,२१ ,कि. मी.धावणे व २ कि. मी.समुद्रात पोहणे निर्धारित वेळेत पूर्ण करावे लागते. ही स्पर्धा सुचित्रा काटे यांनी वेळेत पूर्ण केल्याने त्या साताऱ्यातील पहिल्या आयर्नमॅन (लेडी) ठरल्या आहेत. त्याचा सर्वच सातारकराना अभिमान आहे.सातारा येथे हिल मॅरेथॉन सुरु करण्यात डॉ.संदीप काटे यांचा मोलाचा वाटा आहे.(Every great person behind great woman)याप्रमाणे सुचित्रा मॅडमचा देखील मॅरेथॉन आयोजन करण्यात मोठा वाटा आहे. आज सातारा रनर सिटी म्हणून ओळखला जात आहे याचे श्रेय या दाम्पत्याला निश्चितच जाते.स्पर्धा पूर्ण करणाऱ्या २० लोकांचा सत्कार सातारा कास हेरिटेज हिल मॅरेथॉनच्या  वतीने करण्यात आला .
                आजच्या प्रॅक्टिस रनच्यावेळी प्री व पोस्ट स्ट्रेचिंग  शिव यादव यांनी उत्तमरित्या घेतले.आजच्या स्पर्धा मार्गावर  बऱ्याच ठिकाणी धुके पसरले होते. काही काळ सातारा शहरावर धुक्याची चादर पसरल्यासारखे भासत होते.तर काही वेळ पावसाची रिमझिमदेखील सुरु होती. रुटसपोर्टदेखील छान होता.अल्पोपहार व्यवस्था राहुल शिंदे यांनी केली होती. त्यांचाही येथे सत्कार करण्यात आला.
        सुरुवातीला चेअरमन संदीपभाऊ शिंदे यांनी सर्व उपस्थितांचे स्वागत केले.सातारा कास हेरिटेज हिल मॅरेथॉन आयोजनामागचा हेतु विषद केला.आजची प्रॅक्टिस  रन यशस्वी करण्यासाठी डॉ. सुधीर पवार, डॉ. संतोष यादव,डॉ. निलेश थोरात, जयंत शिवदे,शरद भोसले संदीप माने, सचिन धनावडे,राजेंद्र गायकवाड, पल्लवी नाईक,अल्पना शहा, शुभांगी माने,दमयंती गीते, सौ. धनावडे यांनी परिश्रम घेतले.
       आजच्या कार्यक्रमातून व्यक्तीकडे सातत्य, चिकाटी असेल तर निश्चितच यशाला गवसणी घालता येते.(Everything is possible) चला आपण आवडीच्या क्षेत्रात स्वतःला झोकुन देऊया आणि यशाला गवसणी घालूया, आपले तसेच आपल्या जिल्ह्याचे नाव उज्ज्वल करुया.
    शब्दांकन - राजेंद्र पवार
          ९८५०७८११७८

!!  सातारा कास हेरिटेज हिल मॅरेथॉन  !!
         आज सातारा कास हेरिटेज हिल मरेथॉनची (5th Sunday Practice Run) आयोजित करण्यात आली होती.आज धावपट्टूना मार्गदर्शन करण्यासाठी आहारतज्ज्ञ डॉ. विजया कदम आलेल्या होत्या. आपल्या आरोग्यासाठी आहाराला अनन्य साधारण महत्व आहे. धावपट्टूनी आहाराकडे विशेष लक्ष देणे गरजेचे आहे. आहारामुळेच आपणास कार्य करण्यासाठी आवश्यक ती ऊर्जा मिळते.आपण सेवन केलेल्या अन्नातून आपल्या गुणवत्तेची उच्चतम पातळी गाठता येते. आपल्या शरीराची झीज भरून काढण्यासाठीही  मदत होते. नुसतेच अन्न महत्वाचे नाहीतर ते सेवन करण्याच्या वेळादेखील महत्वाच्या आहेत.प्रत्येक धावपट्टूला त्याच्या लक्षांकानुसार  वेगवेगळ्या आहाराची गरज असते.(उदा.१०कि. मी.२१ कि.मी.,४२ कि. मी.) धावपट्टूनी किमान सहा वेळा आपल्या आवश्यकतेनुसार आहार घ्यावा अर्थात शरीराला आहाराची गरज भासणे महत्वाचे आहे.भोजन करतानादेखील आपण काही गोष्टींची काळजी घ्यायला हवी. जसे टी. व्ही. किंवा मोबाईल बघत बघत जेवू नये.भोजन आपले मन शांत करते. मन शांत असेल तरच आपण खेळात प्राविण्य दाखवू शकतो.जसा आहार तसेच पाणी पिण्याचे महत्व त्यांनी याप्रसंगी सांगितले.मॅरेथॉनचा विचार करावयाचा झाला तर दोन तासापूर्वी चारशे ते सहाशे मि. ली.,तासापूर्वी तीनशे मि. ली. स्पर्धा सुरू होण्यापूर्वी एक ग्लासभर पाणी प्यावे. स्पर्धा संपल्यावर एक लिटर पाणी प्यायला हवे. योग्य आहार आणि व्यायामामुळे वजन कमी होते. नुसता आहार कमी करुन वजन कमी करण्याचा प्रयत्न करु नये. दिक्षित यांचा आहारविषयक सल्ला प्री-डायबेटिक पेशंटसाठी चांगला आहे.
              आज २१ कि. मी. मध्ये भाग घेतलेल्यासाठी-१८ कि. मी.,१० कि. मी. मध्ये भाग घेतलेल्यासाठी ८ कि. मी.चा सराव घेण्यात आला. रुट सपोर्टसाठी ठिकठिकाणी इनर्जी फुडची व्यवस्था करण्यात आली होती.संस्थेचे अधिकृत  ट्रेनर शिव यादव  यांनी प्री व पोस्ट स्ट्रेचिंग उत्तमरित्या घेतले. आज मला स्पर्धा सुरु करण्यासाठी फ्लॅग ऑफची संधी दिली होती.
        कार्यक्रमाच्या सुरुवातीस संदीपभाऊ शिंदे यांनी स्पर्धा आयोजनाचा हेतू विशद केला. सर्वांचे स्वागत केले.आजच्या अल्पोपहाराची व्यवस्था डॉ. निलेश थोरात यांनी केली होती. त्यांनी याप्रसंगी क्रीडाप्रेमींसाठी आपल्या हॉस्पिटलच्या सवलत योजना जाहीर केल्या.
   कार्यक्रम यशस्वी होण्यासाठी डॉ. संतोष यादव, जयंत शिवदे, शरद भोसले, संदीप माने, सचिन धनावडे,संतोष भांबरे,राजेंद्र गायकवाड, पल्लवी नाईक, अल्पना शहा, दमयंती गीते, सौ. धनावडे यांनी परिश्रम घेतले.
         आजच्या कार्यक्रमातून आपली कार्यक्षमता टिकवून ठेवण्यासाठी आहार कसा घ्यावा,किती वेळा घ्यावा,पाणी किती आणि कसे घ्यावे हे समजले. आपण सर्वजणच आहारविषयक चांगल्या सवयी अंगी बानवूया,आपले शरीर अधिक सुदृढ बनवूया.
          शब्दांकन -- राजेंद्र पवार
                ९८५०७८११७८

!!   मराठा बिझनेस फोरम  !!
            सुसंवाद, स्वयंशिस्त आणि वचनबद्दता ही यशस्वी व्यवसायाची त्रिसूत्री -- सुरेंद्र काकडे

                      सातारा सिटी बिझनेस सेंटर येथे मराठा बिझनेस फोरमच्या वतीने व्यावसायिक,उद्योजकासाठी कार्यक्रम आयोजित करण्यात आला होता. त्यावेळी प्रमुख पाहुणे म्हणून बोलताना आयुरग्राम विकास ट्रस्टचे अध्यक्ष सुरेंद्र काकडे म्हणाले की,कोणत्याही व्यवसायात आपणास यशस्वी व्हावयाचे असेल तर आपण स्वयंशिस्त, सुसंवाद व वचनबद्धता या त्रिसूत्रीचा अवलंब करावयास हवा .
              ते पुढे म्हणाले की, शेतकरी विविध भूमिका वेगवेगळ्या वेळी वटवत असतो. तो  अन्नदाता,व्यापारी,उद्योजक,योद्धा अशा भूमिकेतून देशसेवा करत असतो. शेतकरी समाजात समन्वयाची भूमिका नसल्याने अपेक्षित प्रगती होऊ शकली नाही ही वस्तुस्थिती आहे .राजकर्त्यांनी देखील त्यांना लाचार बनवले आहे, त्यामुळे परिस्थितीविरुद्ध लढण्याचा आत्मविश्वास ते हरवून बसले आहेत.शेतकऱ्यांमधील  स्वाभिमान जागृत करुन आपणास त्यांना लढवयास शिकवायचे आहे. चला आपण संघटित होऊया. आपल्या समाजबांधवाना मदत करण्याचे आवाहनही त्यांनी  याप्रसंगी केले.
        याप्रसंगी बालाजी मोबाईलचे संतोष शेडगे म्हणाले की, आपण नेहमी बाजारपेठ विचारात घेऊन वाटचाल करावयास हवी. मी यशस्वी होणारच अशा विचाराने आपण बाजारपेठेत पाऊल टाकले पाहिजे. जीवन कापले म्हणाले की, मराठा समाजाची अस्मिता जपणाऱ्या लोकांच्या पाठीशी आपण उभे राहिले पाहिजे. मराठा समाजाला येणाऱ्या अडचणी सोडवण्यासाठी आपण सर्वजण एक होऊया.
            यावेळी बांधकाम व्यावसायिक श्रीधर कंग्राळकर ,भूषण डेरे,राजेंद्र पवार यांचेसह अनेक व्यावसायिकानी आपले विचार मांडले.कार्यक्रयाचे प्रास्ताविक जगदीश शिर्के यांनी केले तर सूत्रसंचालन तसेच आभार राजेंद्र साबळे यांनी मानले. या कार्यक्रमासाठी जिल्ह्यातील अनेक व्यावसायिक, उद्योजक बहुसंख्येने उपस्थित होते.
     शब्दांकन -- राजेंद्र पवार
                ९८५०७८११७८