!! पाऊले चालती पंढरीची वाट !! ( १ )

      आज ज्ञानेश्वर महाराज पालखी सोहळा प्रस्थानाचा दिवस, संध्याकाळी ४ वाजता  ज्ञानेश्वर माऊली पालखीचे प्रस्थान झाले. प्रस्थानाचे दिवशी सकाळी महापूजा असते. मंदिराचा कळस हलल्याशिवाय माऊलीचे प्रस्थान होत नाही अशी वारकऱ्यांची श्रध्दा आहे. प्रस्थान झालेकी प्रदक्षिणा प्रारंभ होतो. प्रदक्षिणा मार्गावर  फक्त दिंड्यानाच प्रवेश मिळतो. दिंडीमध्ये किमान दोन पताकाधारी ,पखवाज, विणेकरी आणि टाळकरी असतात. टाळकऱ्याशिवाय कोणालाही पालखी प्रदक्षिणेत सहभागी होता येत नाही.
        थोडक्यात टाळ हाच प्रदक्षिणा मार्गात सहभागी होण्याचा अधिकृत परवाना होय.  प्रदक्षिणा करुन माऊली आजोळघरी मुक्कामास जातात. प्रदक्षिणाची सांगता होताना आरती होते. दुसऱ्या दिवशी सकाळी पालखीचे प्रस्थान कधी होणार आहे याची घोषणा केली जाते. सर्वत्र ज्ञानोबा तुकारामांचा जयघोष ऐकू येत होता. मंदिरात रात्रभर भजन किर्तन चालु असते.वारकरी आपली सर्व चिंता पांडुरंगावर सोपवून वारीत सहभागी होतात. कोणतीही गोष्ट श्रद्धेने केली तर यश मिळते अशी वारकऱ्यांची भावना असते. आपणही आपले काम श्रध्दापूर्वक करावे हाच संदेश वारीतुन मिळतो.
      शब्दांकन -- राजेंद्र पवार
             ९८५०७८११७८