जागतिक वन दिन !!(२१ मार्च)

   !!जागतिक वन दिन !!(२१ मार्च)

        दृष्टीआड असलेल्या सृष्टीचे महत्व

   मानवाला समजत नाही. शुध्द हवा पिण्याचे पाणी आपल्याला जंगलामुळे मिळते.मात्र चंगळवादी जीवनशैलीसाठी केल्या जाणाऱ्या बेसुमार जंगलतोडीमुळे निसर्गाचा समतोल ढासळत असल्याचे १९७० च्या दशकात जाणवू लागले त्यातूनच जंगल वाचवण्याची संकल्पना पुढे आली.

      संयुक्त संघाच्या अन्न व शेती संघटनेच्या सदस्य देशांनी हा "जागतिक वन दिवस" साजरा करण्यास सुरुवात केली.

      वन दिन साजरा करण्यामागे  महत्वाचे मुद्दे

१)अनावश्यक जंगलतोड टाळणे.

२)अधिक झाडे लावणे.

३)जंगलापासून मिळणारी उत्पादने आणि

    होणारे फायदे लोकांच्या निदर्शनास आणून देणे.

४)जंगलास  भेट दिल्याने अधिकची मिळणारी  माहिती अधिक लोकांपर्यंत पोहोचवणे.

        जंगलाबाबत आस्था आणि जंगलतोडीमुळे होणाऱ्या हवामानातील बदलाबाबत चिंता वाटत असणाऱ्या सर्वांना जागतिक पातळीवर व्यासपीठ मिळावे हादेखील वनदिन साजरा करण्यामागचा उद्देश आहे.

     चला तर निसर्गाचे व सजीवांचे अस्तित्व अबाधित ठेवण्यासाठी झाडांचे संरक्षण व संगोपन करण्यासाठी कटिबद्ध होऊया.

 संकलक: राजेंद्र पवार

    ९८५०७८११७८