!! पाऊले चालती पंढरीची वाट !! (५ )

        आज सासवडनगरीमध्ये माऊलींचा मुक्काम होता. आमची येथील मुक्कामाची तसेच भोजनाची सोय वैष्णव चॅरिटेबल अँड मेडिकल ट्रस्ट मुंबईच्या माध्यमातून झाली होती.आज विश्रांतीचा दिवस असल्याने आम्ही नेहमीपेक्षा उशिरा उठलो. शहरातून फेरफटका मारला.माऊलीच्या दर्शनाचा लाभ परिसरातील लोकांनी घेतला. दर्शनासाठी खुप मोठी रांग लागली होती .प्रत्येकजण माऊलीच्या दर्शनासाठी आसुसलेला होता.सर्वत्र नामसंकीर्तन ऐकू येत होते.
                   दुपारी सावित्रीबाई फुले पुणे विद्यापीठाच्या वाघीरे कॉलेज सासवड यांनी सादर केलेले "निर्मल वारी,स्वच्छ वारी "हे पथनाट्य पाहण्याचा योग आला.पथनाट्यामधून प्लास्टिकचा वापर टाळा.जेवणासाठी वनस्पतींच्या पानांच्या पत्रावळीचा वापर करा.कोणत्याही परिस्थितीत प्लास्टिक पत्रावळीचा वापर करु नका. प्लास्टिकचे विघटन होत नाही. सासवड नगरपालिकेने संपूर्ण वारकऱ्यांसाठी पानांच्या पत्रावळी मोफत पुरवल्या ,तसेच वापरलेल्या पत्रावळी गोळा करण्याची व्यवस्था केली. या पानांच्या पत्रावळीपासुन नगरपालिका खत बनवणार आहे. शौचालयासाठी मोबाईल टॉयलेटचा वापर करा.उघड्यावर शौचास जाऊ नका.रोगराईला निमंत्रण देऊ नका.कोणताही बदल अपेक्षित असेल तर नुसता उपदेश करुन उपयोग होत नाही तर त्याला पर्यायी व्यवस्था करावी लागते हाच संदेश सासवड नगरपालिकेने दिला आहे असे मला वाटते.

     शब्दांकन -- राजेंद्र पवार
              ९८५०७८११७८