!!खडकवासला अल्ट्रा मॅरेथॉन स्पर्धेत विशाल घोरपडे अव्वलस्थानी !!
रविवार दिनांक १७ नोव्हेंबर रोजी बावधन ब्रिगेड स्पोर्ट्स फाउंडेशन पुणे यांनी खडकवासला अल्ट्रा रनचे आयोजन केले होते. या स्पर्धेत सातारा येथील विशाल घोरपडे आणि डॉ .सुधीर पवार यांनी सहभाग घेतला होता. त्यांनी ही स्पर्धा १३:२०:५३ तेरा तास वीस मिनिट आणि त्रेपन सेकंदात पूर्ण केली.
थोडेसे स्पर्धा ठिकाणाविषयी :
खडकवासला हा पुण्याच्या पश्चिमेकडील भाग: हा परिसर गर्द झाडी साठीसाठीही प्रसिद्ध आहे.खडकवासला धरणाला प्रदिक्षणा घालावयाची होती. या रुट्वर अनेक टेकड्या चढनं आणि उतरणं असा भाग होता. आपल्याला सातारा हील मॅरेथॉन माहीत आहे. ती देशातल्या अवघड पाच स्पर्धात मोडते. तिच्या पाचपट अवघड असणारी ही स्पर्धा विशालने विक्रमी वेळेत पूर्ण केली. या स्पर्धेत २९०० मीटर एवढे एलेव्हेशन होते. ही स्पर्धा सातारा येथील दोन दुर्गवेड्या तरुणांनी पूर्ण केली. या स्पर्धेत देशभरातील नामवंत अथलेटनी सहभाग घेतला होता . विशाल आणि डॉ.सुधीर पवार यांनी सातारा जिल्ह्याचे नाव या अल्ट्रा मॅरेथॉनमध्ये रोशन केले.
विशाल आणि मी एकत्रच सराव करतो. सराव करत असताना डोंगर चढनं आणि उतरणं हा नित्याचाच भाग होता. हे यश प्रचंड इच्छाशक्तीचे प्रतिक आहे. शिष्याने रनिंगमध्ये विक्रम केल्याचा विशेष आनंद होतो आहे. सातारा येथे रनिंग संस्कृती रुजते आहे आणि त्याचा राज्यभर डंका वाजत असल्याचा विशेष अभिमान आहे.
विशाल आणि त्यांच्या बरोबर असणारे डॉ. सुधीर पवार यांनी जगभरात यशाची शिखरे पादाक्रांत करावीत आणि ते पाहण्याचे भाग्य आम्हास लाभावे हीच ईश्वर चरणी प्रार्थना.
राजेंद्र पवार
